عشان الكلمة الصادقة وعفيفة
عشان نرفع الظلم اللـّي طوّل
والبلاد يتوقف نزيفها
ننزع الخوف من قلوبنا
و الرصاص يصبح رغيفة
نمشي للحلال نعمـّر قطاطينا
ودرادرنا اللطيفة
نغسل الهم من نفوسنا
ونزرع الخير في قلوبنا
نحصد الجنات وريفة
تبقى دارفور زي زمان
آمنة وسلام مخضر خريفة
والرواكيب البتجمع خير بلدنا
مستور حريفها
والناس الزمان ..مرحب .. حباب
حرة وأليفة
صوتك للتحالف
مفتاح أمان لكل أسرة
لكل أم وكل شابة
بتبحث في العدم عن وظيفة
عايزين مدارس لصغارنا
ولشبابنا عايزين وظيفة
فرصة عمل
واللقمة الشريفة
صوتك للتحالف
طوق نجاتك
نبني سودانك جديد
والربابة ما هي رمزك
تعزف الأوتار كلامك
يبقى صوتك
وفي القرى والبيادر
نزرع الحرف البضوّي
تحصد الآلاف شبابك
صوتك يا مواطن .. ويا مواطنة للربابة
رمزك ليه معنى
أولا رمز الغلابة
ايد بتكتب
وايد بتبني
وايد بتعزف في الربابة
تشدو بالكلمات أغاني
تمسح الأحزان يبابا
رمز أريافنا الربابة
الرعاة في سروحهم
و المزارعين البيشقو
صداهم يفرح شبابة
ايد بتزرع
وايد تنقرش في الربابة
عمت ايامنا الرتابة
نشقى من عز البكور
نصحى لي اخر الليالي
والبلد زايد خرابا
مين يرجّع لينا حقنا
ومين يصون عرض البنات
والبلد زايدات كلابة
مين البوقـّف كل ده
غير صوتك وصوتيك
للربابة
ما تجاملي .. وما تجامل
مستقبلك ومصير بلدك
يتتقرروا يوم تعاين
ببصيرة
شوف برامجك
تلقى برنامجنا يا هو شوقك
يلا صوّت للربابة
